Breaking News

Rakhtranjit Anurakti -29



Update:-29



“Nandni jo bhi karna hai, hume jaldi karna hai. Kyonki jis chij ko maine Chirag ke dimaġ me dekha, wo bahut jald he uss ghar me sab par hawi hone wala hai. Yuṅ samjh lo ki yadi unhe na roka gaya to uss ghar se lashoṅ ka khel shuru ho jayega”.


Nandni baḍe dhyan se Nischal ki baten sunti rahi. Sari baat khatam hone ke baad kuch pal wo Nischal ko dekhti rahi…. “Kya hua, aise kyoṅ dekh rahi ho”.


Nandni…. Kuch nahi, bas tumhare iss badlaw ko mehsus kar rahi thi. Kuch din pahle ki he to baat hai, jab tum pahli baar mile the. Na bolna aata tha aur na he kuch samjhana. Aur aaj dekho, hum anjaano ke liye tum kitna kuch kar rahe ho.


Nischal…. Pagal, kuch bhi sochti rahti hai. Pata nahi kyoṅ tum sab se lagaw sa ho gaya hai.


Nandni…. Jhuṭhe, hum sab se ya Jivisha se….


Nischal…. Jivisha, nah, uss chudail se lagaw bilkul nahi…. Main to itna sab kuch bas aap ke he pyar me kar raha huṅ.


Nandni…. Bas-bas, itna jyada pyar jatane ki jaroorat nahi hai, chupchap Kasak ko chhudane ke kaam kaam par lag jao.


Nischal…. Bas re insan bas. Main yahaṅ earth par holiday manane aaya huṅ, aur tum ho ki kaam karwate-karwate mar dalo. Achha suno raste me sara plan samjha dena, main kal he Kasak ko wahan se chhura le aauṅga.


Agli subah…..


Ansh, subah-subah he ek serious patients dekhne hospital nikal chuka tha. Idhar Nandni aur Nischal bhi taiyar ho chuke the, aaj dono ko college admission ke liye jana tha. Dono abhi college ke raste me he the ki Sawalker ka call aa gaya, aur dono ko Jivisha ke ghar jald se jald pahuṅchne ke liye kaha.


Nandni…. Chalo, chhote miyaṅ ka bayan darj hona hai, tumhare baḍe bhaiya hume wahan bula rahe hain.


Nischal…. Yaar admission to ho jane diya hota. Pata nahi ye admission he panapti hai kya, jo sare masle issi ke baad se ho rahe…


Dono aadhe raste se he Jivisha ke ghar nikal gaye. Jivisha ka pura khanḍan hall me he baiṭha un dono ka intzar kar raha tha. Dono ke aate he, Sawalker ne Chirag se pucha…. “Haaṅ to batao beta kal raat tumhare sath kya hua tha”


Chirag…. Kal raat, uncle kal raat ka aap kyoṅ puch rahe hain, main aap ko nahi bataunga.


Sawalker…. To fir tum kise bataoge…


Chirag…. Main kisi ko bhi kuch nahi bataunga, kyonki main naraj huṅ…


Jivisha, apne ghuṭne par baiṭh gayi, aur Chirag ke mathe par hath ferti, pyar se puchne lagi…. “Chal apni di ko bata, mera beta naraj kyoṅ hai”


Chirag…. Di, jab se fufa ji gaye hain, aap mujh se ṭhik se baat nahi ki. Aap haṅsti rahe isliye maine fufa ji ko yahaṅ bulaya tha, lekin wo gande hain, mujh se milne tak nahi aaye.


Sawalker…. Madam kya aap Chirag ko yahaṅ se le jayengi.


Jivisha, khamosh bas wahan par Chirag ko he dekh rahi thi. Sawalker ki baat sun’ne ke baad wo Chirag ko ander le gayi aur nam aakhon se uss ke mathe ko chum liya. Idhar bahar Sawalker…. “Rajput sir, ab to koi case he nahi banta. Fir bhi yadi aap kaheṅ to main report daṛj kar leta huṅ”.


Himanshu… Nahi, iss ki koi jaroorat nahi hai. Tum sab ja sakte ho…..


Sawalker dono ko le kar wahan se sidha college admission ke liye chala gaya, aur idhar ghar me Jivisha ko le kar charchaaeṅ hone lagi. Sabhi ghar wale issi charcha me lage huye the, tabhi sab se najren bacha kar Kasak uss jagah se khisak gayi….


Apne aḍḍe par pahunch kar, jaise he Kasak sab logoṅ se ru-baru hui, Shresh uss par chillate huye kahne laga…. “Tanisha, tumhe mana kiya tha na jab tak jaroori na ho, yahaṅ mat aana”


Tanisha, Shresh se…. Apini, mujhe aisa lag raha hai ki koi humare mansuboṅ ko janta hai. Koi humare pichhe hai.


Shresh, jo ki Apini ka pariwartit naam tha….. “Kis par shaq hai, kahin wahi ladka Nischal, par to nahi”….


Tanisha…. Haaṅ wahi ladka Nischal hai. Kal raat wo wahan aaya hua tha. Tum khud he dekh lo kal raat ki ghaṭna…..


Tanisha ne kal raat ke apne sare recorded vision un sab ko dikha di. Sab kuch dekhne ke baad….. “Hmmm ! Ye chhota ladka ghabraya kyoṅ tha Tanisha… tum se he puch raha huṅ, chup kyoṅ ho”


Tanisha…. Apini, insano ke garam khun aur uss ke dhaṛakte dil ke ehsas ko main control nahi kar pati huṅ. Kal raat main thodi der ke liye apne roop me aa gayi thi.


Josefer ne ek thappaḍ khinch kar mara….. “Kitni baar kaha hai ki bhukh lage to bata diya karo hum shikar kar lenge, tumhare wajah se agar humare plan me koi gaḍbaḍ hui na”……..


Apini…. Josefer, rahne do. Tanisha ka raaj sayad bahar aa gaya hai. Behatar yahi hoga ki asli ko apni jagah pahuncha do, aur Tanisha ko wapas bula lo.


Josefer…. Aur uss Nischal ka kya kareṅ. Wo to humari har baat jaan gaya hai.


Apini…. Rijo ko maine pahle he uss ke bare me bata diya hai. Unka kahna hai ki iss se tab tak dur raha jaye, jag tak ki iss ke grah aur logoṅ ka pata na chalta hai. Tab tak sawadhani se kaam karne kaha hai.


Tanisha…. Uss ke rahte hum kaise sawadhani se kaam kar sakte hain. Har kaam me to wo archane dal deta hai. Upar se ab tum wo Kasak ko wapas uss ke ghar bhej rahe ho. Shikar ko wapas kyoṅ bhejna, chalo ussi se bhukh miṭate hain.


Apini…. Nahi, Malkia ko abhi gum me nahi le jana hai. Pahle usse mere karib aane do, taki jab uss ke ghar ke log mare to wo bhawanatmak roop se mere aur karib chali aaye. Uss ke ghar ke logoṅ ka shikar karne ka abhi sahi waqt nahi hai.


Josefer…. Ṭhik hai jaisa tum chaho. Main uss jagah par sandesh bhijawa deta huṅ ki Kasak ko wapas chhorna hai. Uss ki bite kuch dino ki yadast miṭa de, aur uss ke ander Tanisha ne jo uss ghar me ab tak kiya hai wo sare vision yaad ke roop me dal de.


Apini….. Sukriya Josefer. Chalo Tanisha, tumhari itni mehnat ke liye aaj main yahaṅ ek elaan karta hum. 5 din ke ander 2 shikar hum karenge. Ek shikar Tanisha ka laya hoga… aur dusra kaun karega…


Josefer…. Dusra to Apini he karega. Humne suna hai tumhare shikar kafi lajjij aur umda kism ke hote hain.


Apini…. Ha, ha, ha…. To fir ṭhik hai… Kal se hum pahle apne shikar ki talash karenge, fir uss Nischal ke bare me sochenge. Josefer, tum se kuch baat karni hai akele me aao….


Saam ke waqt, Nandni ka flat…



Nandni…. Nischal, sari taiyari ho gayi hai na, aaj Kasak ko wapas lana hai.


Nischal…. Haaṅ sari taiyari ho gayi hai. Ye dekho computer ke jaṛiye hum ek virtual image creat kar denge. Ye image lagbhag ṭhik waisa he hai jaisa Chirag ne apne dimaġ me socha tha.


Nandni…. Haaṅ par ek baat yaad rahe Kasak ne tumhe pahle kabhi nahi dekha, isliye wo tum par yakin nahi karegi.


Nischal…. Haaṅ pata hai, wo mujh par yakin nahi karegi. Lekin ye risk to hume uṭhana he paṛega na.


Nandni…. Good boy, meri sangat me kafi samjhdar ho gaye ho. Ab jarra mujhe short me batao ki tum kya karne wale ho….


Nischal….. “Main atihat se Kasak ke pass jauṅga. Usse Shresh ke bare me puri baat bata kar ye chhota sa device uss ke pass chhod duṅga. Usse samjhauṅga ki jab wo log aaye, to usse ye button daba kar unke samne roop badalna hai. Roop badlne se un logoṅ ko ye yakin ho jayega ki Kasak bhi roop badal sakti hai”.


“Fir main Kasak ko samjhauṅga, ki wo log kitna uss par yakin kyoṅ na kare, usse bas yahi kahte rahna hai ki wo ussi ki sathi hai. Finally raat ko soti hui nakli Kasak ko main uṭha kar wahan quid kar duṅga, aur asli Kasak ko wapas le aauṅga. Kasak ke natak ke karaṇ, agle din jab wo ailan kahegi ki wo unki sathi hai to koi uss par yakin nahi karega, aur wo quid me he rahegi”.


Nandni…. Good boy, tum sab kuch achhe se samjh gaye ho. Ṭhik hai best of luck, sab kaam achhe se karna. Aur haaṅ koi aisi harkat mat karna jis se kisi ko bhi shaq ho jaye.


Nischal…. Main to nahi karuṅga, par bhagwan bachaye mujhe Jivisha ki guru mata se. Wo wahan koi nautanki na kar de.


Nandni…. Achhe kaam ke liye ja rahe ho achha he hoga.


Raat ke 9 baje Nischal ko sare plan follow karne the. Idhar Josefer ka hukum milte he uss ke aadmiyon ne asli Kasak ke dimaġ me wo sara vision ḍalna shuru kar diya tha, jo bhi nakli Kasak ne uss ghar me kiya. Sab kuch karte huye unhe bhi kafi samay lag gaya. Raat ko 8.30 baje sab kuch khatam kar ke Josefer ke aadmi uss jagah se nikal gaye, aur wo janwar Kasak ki nigarani karne laga.


Raat ke ṭhik 9 baje, Nischal uss jagah ke ander dakhil hua. Mahol bilkul khamosh, aur kisi ke bhi hone ka koi sanket nahi tha. Nischal ne uss jagah ka muayna 2 baar kiya. Najren jab uss ne dauṛayi to kewal wahan wo janwar dikha, jo nigarani kar raha tha.


Nischal ne apna kaam karna shuru kiya. Pass paḍe ek lohe ka rode uṭha kar pichhe se uss janwar ko khinch kar mara. Tilamilata wo janwar pichhe Nischal ke ore muḍa aur uth kar khada ho gaya. Jab wo khada hua, to lagbhag Nischal ke size se wo 5 guna baḍa tha.


Baḍe-baḍe nakhunoṅ wale panjon se usne war kiya. Nischal teji se apna bachaw karta pichhe haṭa, lekin hath ghumane ki speed uss ki bhi kam nahi thi. Nischal jab tak apna bachaw karta, uss ke chaati aur pet se panja ṭakraya, aur wo kai fit pichhe hawa urrte huye diwal se ṭakra gaya. Diwal se ṭakkar khane ke baad wo dhamn se niche gira.


Iss humle se jaise, Nischal ke hosh ṭhikane aa gaye ho. Jamin par apne dono hath failaye wo chit ho kar para tha. Tabhi wo janwar apne shikar par jhapt’ta hua fir aage badha. Usne apne dono panjon se Nischal ke dono hath daboch liya aur ṭhik uss ke upar aa kar apna baḍa sa muh fada.


Muh itna baṛa tha ki Nischal ka sir se le kar pura dhar uss ke muh me ek baar me sama jaye. Janwar ke muh kholte he kai liter chip-chipa laṛ Nischal ke chehre aur badan par gira. Uss ka pura chehra aur badan jaise naha gaya ho uss me. Baḍa sa muh fade wo Nischal ko nigalne ke liye badha.



Jaise he uss ka baḍa sa fata muh, Nischal ke chehre ke pass pahuncha wo apni jagah ruk gaya. Kuch pal wo yuṅ he ruka raha aur uss ke baad wo janwar tej awaz me chillate huye ek bar fir apne muh se kuch ganda chip-chipa dravya ki barish kar ke Nischal ke upar se uṭha, aur wahan se bhag gaya”

No comments

Rakhtranjit Anurakti -29



Update:-29



“Nandni jo bhi karna hai, hume jaldi karna hai. Kyonki jis chij ko maine Chirag ke dimaġ me dekha, wo bahut jald he uss ghar me sab par hawi hone wala hai. Yuṅ samjh lo ki yadi unhe na roka gaya to uss ghar se lashoṅ ka khel shuru ho jayega”.


Nandni baḍe dhyan se Nischal ki baten sunti rahi. Sari baat khatam hone ke baad kuch pal wo Nischal ko dekhti rahi…. “Kya hua, aise kyoṅ dekh rahi ho”.


Nandni…. Kuch nahi, bas tumhare iss badlaw ko mehsus kar rahi thi. Kuch din pahle ki he to baat hai, jab tum pahli baar mile the. Na bolna aata tha aur na he kuch samjhana. Aur aaj dekho, hum anjaano ke liye tum kitna kuch kar rahe ho.


Nischal…. Pagal, kuch bhi sochti rahti hai. Pata nahi kyoṅ tum sab se lagaw sa ho gaya hai.


Nandni…. Jhuṭhe, hum sab se ya Jivisha se….


Nischal…. Jivisha, nah, uss chudail se lagaw bilkul nahi…. Main to itna sab kuch bas aap ke he pyar me kar raha huṅ.


Nandni…. Bas-bas, itna jyada pyar jatane ki jaroorat nahi hai, chupchap Kasak ko chhudane ke kaam kaam par lag jao.


Nischal…. Bas re insan bas. Main yahaṅ earth par holiday manane aaya huṅ, aur tum ho ki kaam karwate-karwate mar dalo. Achha suno raste me sara plan samjha dena, main kal he Kasak ko wahan se chhura le aauṅga.


Agli subah…..


Ansh, subah-subah he ek serious patients dekhne hospital nikal chuka tha. Idhar Nandni aur Nischal bhi taiyar ho chuke the, aaj dono ko college admission ke liye jana tha. Dono abhi college ke raste me he the ki Sawalker ka call aa gaya, aur dono ko Jivisha ke ghar jald se jald pahuṅchne ke liye kaha.


Nandni…. Chalo, chhote miyaṅ ka bayan darj hona hai, tumhare baḍe bhaiya hume wahan bula rahe hain.


Nischal…. Yaar admission to ho jane diya hota. Pata nahi ye admission he panapti hai kya, jo sare masle issi ke baad se ho rahe…


Dono aadhe raste se he Jivisha ke ghar nikal gaye. Jivisha ka pura khanḍan hall me he baiṭha un dono ka intzar kar raha tha. Dono ke aate he, Sawalker ne Chirag se pucha…. “Haaṅ to batao beta kal raat tumhare sath kya hua tha”


Chirag…. Kal raat, uncle kal raat ka aap kyoṅ puch rahe hain, main aap ko nahi bataunga.


Sawalker…. To fir tum kise bataoge…


Chirag…. Main kisi ko bhi kuch nahi bataunga, kyonki main naraj huṅ…


Jivisha, apne ghuṭne par baiṭh gayi, aur Chirag ke mathe par hath ferti, pyar se puchne lagi…. “Chal apni di ko bata, mera beta naraj kyoṅ hai”


Chirag…. Di, jab se fufa ji gaye hain, aap mujh se ṭhik se baat nahi ki. Aap haṅsti rahe isliye maine fufa ji ko yahaṅ bulaya tha, lekin wo gande hain, mujh se milne tak nahi aaye.


Sawalker…. Madam kya aap Chirag ko yahaṅ se le jayengi.


Jivisha, khamosh bas wahan par Chirag ko he dekh rahi thi. Sawalker ki baat sun’ne ke baad wo Chirag ko ander le gayi aur nam aakhon se uss ke mathe ko chum liya. Idhar bahar Sawalker…. “Rajput sir, ab to koi case he nahi banta. Fir bhi yadi aap kaheṅ to main report daṛj kar leta huṅ”.


Himanshu… Nahi, iss ki koi jaroorat nahi hai. Tum sab ja sakte ho…..


Sawalker dono ko le kar wahan se sidha college admission ke liye chala gaya, aur idhar ghar me Jivisha ko le kar charchaaeṅ hone lagi. Sabhi ghar wale issi charcha me lage huye the, tabhi sab se najren bacha kar Kasak uss jagah se khisak gayi….


Apne aḍḍe par pahunch kar, jaise he Kasak sab logoṅ se ru-baru hui, Shresh uss par chillate huye kahne laga…. “Tanisha, tumhe mana kiya tha na jab tak jaroori na ho, yahaṅ mat aana”


Tanisha, Shresh se…. Apini, mujhe aisa lag raha hai ki koi humare mansuboṅ ko janta hai. Koi humare pichhe hai.


Shresh, jo ki Apini ka pariwartit naam tha….. “Kis par shaq hai, kahin wahi ladka Nischal, par to nahi”….


Tanisha…. Haaṅ wahi ladka Nischal hai. Kal raat wo wahan aaya hua tha. Tum khud he dekh lo kal raat ki ghaṭna…..


Tanisha ne kal raat ke apne sare recorded vision un sab ko dikha di. Sab kuch dekhne ke baad….. “Hmmm ! Ye chhota ladka ghabraya kyoṅ tha Tanisha… tum se he puch raha huṅ, chup kyoṅ ho”


Tanisha…. Apini, insano ke garam khun aur uss ke dhaṛakte dil ke ehsas ko main control nahi kar pati huṅ. Kal raat main thodi der ke liye apne roop me aa gayi thi.


Josefer ne ek thappaḍ khinch kar mara….. “Kitni baar kaha hai ki bhukh lage to bata diya karo hum shikar kar lenge, tumhare wajah se agar humare plan me koi gaḍbaḍ hui na”……..


Apini…. Josefer, rahne do. Tanisha ka raaj sayad bahar aa gaya hai. Behatar yahi hoga ki asli ko apni jagah pahuncha do, aur Tanisha ko wapas bula lo.


Josefer…. Aur uss Nischal ka kya kareṅ. Wo to humari har baat jaan gaya hai.


Apini…. Rijo ko maine pahle he uss ke bare me bata diya hai. Unka kahna hai ki iss se tab tak dur raha jaye, jag tak ki iss ke grah aur logoṅ ka pata na chalta hai. Tab tak sawadhani se kaam karne kaha hai.


Tanisha…. Uss ke rahte hum kaise sawadhani se kaam kar sakte hain. Har kaam me to wo archane dal deta hai. Upar se ab tum wo Kasak ko wapas uss ke ghar bhej rahe ho. Shikar ko wapas kyoṅ bhejna, chalo ussi se bhukh miṭate hain.


Apini…. Nahi, Malkia ko abhi gum me nahi le jana hai. Pahle usse mere karib aane do, taki jab uss ke ghar ke log mare to wo bhawanatmak roop se mere aur karib chali aaye. Uss ke ghar ke logoṅ ka shikar karne ka abhi sahi waqt nahi hai.


Josefer…. Ṭhik hai jaisa tum chaho. Main uss jagah par sandesh bhijawa deta huṅ ki Kasak ko wapas chhorna hai. Uss ki bite kuch dino ki yadast miṭa de, aur uss ke ander Tanisha ne jo uss ghar me ab tak kiya hai wo sare vision yaad ke roop me dal de.


Apini….. Sukriya Josefer. Chalo Tanisha, tumhari itni mehnat ke liye aaj main yahaṅ ek elaan karta hum. 5 din ke ander 2 shikar hum karenge. Ek shikar Tanisha ka laya hoga… aur dusra kaun karega…


Josefer…. Dusra to Apini he karega. Humne suna hai tumhare shikar kafi lajjij aur umda kism ke hote hain.


Apini…. Ha, ha, ha…. To fir ṭhik hai… Kal se hum pahle apne shikar ki talash karenge, fir uss Nischal ke bare me sochenge. Josefer, tum se kuch baat karni hai akele me aao….


Saam ke waqt, Nandni ka flat…



Nandni…. Nischal, sari taiyari ho gayi hai na, aaj Kasak ko wapas lana hai.


Nischal…. Haaṅ sari taiyari ho gayi hai. Ye dekho computer ke jaṛiye hum ek virtual image creat kar denge. Ye image lagbhag ṭhik waisa he hai jaisa Chirag ne apne dimaġ me socha tha.


Nandni…. Haaṅ par ek baat yaad rahe Kasak ne tumhe pahle kabhi nahi dekha, isliye wo tum par yakin nahi karegi.


Nischal…. Haaṅ pata hai, wo mujh par yakin nahi karegi. Lekin ye risk to hume uṭhana he paṛega na.


Nandni…. Good boy, meri sangat me kafi samjhdar ho gaye ho. Ab jarra mujhe short me batao ki tum kya karne wale ho….


Nischal….. “Main atihat se Kasak ke pass jauṅga. Usse Shresh ke bare me puri baat bata kar ye chhota sa device uss ke pass chhod duṅga. Usse samjhauṅga ki jab wo log aaye, to usse ye button daba kar unke samne roop badalna hai. Roop badlne se un logoṅ ko ye yakin ho jayega ki Kasak bhi roop badal sakti hai”.


“Fir main Kasak ko samjhauṅga, ki wo log kitna uss par yakin kyoṅ na kare, usse bas yahi kahte rahna hai ki wo ussi ki sathi hai. Finally raat ko soti hui nakli Kasak ko main uṭha kar wahan quid kar duṅga, aur asli Kasak ko wapas le aauṅga. Kasak ke natak ke karaṇ, agle din jab wo ailan kahegi ki wo unki sathi hai to koi uss par yakin nahi karega, aur wo quid me he rahegi”.


Nandni…. Good boy, tum sab kuch achhe se samjh gaye ho. Ṭhik hai best of luck, sab kaam achhe se karna. Aur haaṅ koi aisi harkat mat karna jis se kisi ko bhi shaq ho jaye.


Nischal…. Main to nahi karuṅga, par bhagwan bachaye mujhe Jivisha ki guru mata se. Wo wahan koi nautanki na kar de.


Nandni…. Achhe kaam ke liye ja rahe ho achha he hoga.


Raat ke 9 baje Nischal ko sare plan follow karne the. Idhar Josefer ka hukum milte he uss ke aadmiyon ne asli Kasak ke dimaġ me wo sara vision ḍalna shuru kar diya tha, jo bhi nakli Kasak ne uss ghar me kiya. Sab kuch karte huye unhe bhi kafi samay lag gaya. Raat ko 8.30 baje sab kuch khatam kar ke Josefer ke aadmi uss jagah se nikal gaye, aur wo janwar Kasak ki nigarani karne laga.


Raat ke ṭhik 9 baje, Nischal uss jagah ke ander dakhil hua. Mahol bilkul khamosh, aur kisi ke bhi hone ka koi sanket nahi tha. Nischal ne uss jagah ka muayna 2 baar kiya. Najren jab uss ne dauṛayi to kewal wahan wo janwar dikha, jo nigarani kar raha tha.


Nischal ne apna kaam karna shuru kiya. Pass paḍe ek lohe ka rode uṭha kar pichhe se uss janwar ko khinch kar mara. Tilamilata wo janwar pichhe Nischal ke ore muḍa aur uth kar khada ho gaya. Jab wo khada hua, to lagbhag Nischal ke size se wo 5 guna baḍa tha.


Baḍe-baḍe nakhunoṅ wale panjon se usne war kiya. Nischal teji se apna bachaw karta pichhe haṭa, lekin hath ghumane ki speed uss ki bhi kam nahi thi. Nischal jab tak apna bachaw karta, uss ke chaati aur pet se panja ṭakraya, aur wo kai fit pichhe hawa urrte huye diwal se ṭakra gaya. Diwal se ṭakkar khane ke baad wo dhamn se niche gira.


Iss humle se jaise, Nischal ke hosh ṭhikane aa gaye ho. Jamin par apne dono hath failaye wo chit ho kar para tha. Tabhi wo janwar apne shikar par jhapt’ta hua fir aage badha. Usne apne dono panjon se Nischal ke dono hath daboch liya aur ṭhik uss ke upar aa kar apna baḍa sa muh fada.


Muh itna baṛa tha ki Nischal ka sir se le kar pura dhar uss ke muh me ek baar me sama jaye. Janwar ke muh kholte he kai liter chip-chipa laṛ Nischal ke chehre aur badan par gira. Uss ka pura chehra aur badan jaise naha gaya ho uss me. Baḍa sa muh fade wo Nischal ko nigalne ke liye badha.



Jaise he uss ka baḍa sa fata muh, Nischal ke chehre ke pass pahuncha wo apni jagah ruk gaya. Kuch pal wo yuṅ he ruka raha aur uss ke baad wo janwar tej awaz me chillate huye ek bar fir apne muh se kuch ganda chip-chipa dravya ki barish kar ke Nischal ke upar se uṭha, aur wahan se bhag gaya”

Share This Article:

, ,

CONVERSATION