Update:-41
Idhar Nischal ki aakhen khuli, udhar Zoren grah ke Mahamhim ki bhi aakhen khul gayi..... Garjte huye mahamahim bolne laga..... “Rijo pata nahi kaise, par koi humare bahut karib aa gaya hai. Tum aaj he Malkia ke grah niklo aur sare mamle ko suljha kar aao”.
Nischal ne jab lash ko eaxmin kiya, usse khud bhi pata nahi tha ki wo kya karne ja raha . Ek lash ke upar examin kar liya. Usse jarra bhi andaza nahi tha iss ka ntija kya hoga, wo to bas pata lagane ki kosis kar raha tha.
Aur iss pata lagane ki kosis me hua ye ki Nischal jab Sapna ke isthul dimag me ghusa to usse chhan bhar me itne sare drishya najar aa gaye ki wo apne dimag par kabu na kar paya, kisi tarah uss proygsala se bahar nikla aur Sawlker ki gadi me aa kar behosh ho gaya.
College me ......
Jivisha ko purane roop me wapas dekh kar Nandni aur Kasak dono he kafi khush thi. Kunal dur se he hathon se ishara kar raha tha, jis ka jawab ab Jivisha bhi apne hath hila ke de rahi thi. Kunal ke kadam Jivisha ke karib badh gaye.
Kunal ko aate dekh, teeno ki saitna khopadi kaam karna shuru kar diya. Jivisha tabtak Kunal ke ore mudi rahi, jab tak Kunal unke karib na aa gaya, aur jab Kunal uss ke karib pahunchne wala tha, Jivisha, Kasak aur Nandni ke ore mud kar baat karne lagi.
Kunal jab bilkul karib aaya, teeno ne usse ek baar upar se niche dekha. Ajib si ghurti najar thi teeno ki, jise dekh kar Kunal thoda padesan ho gaya..... “Ye teeno mujhe aise kyon ghur rahi hai? Kya hua hoga? Kahin inko mere bare me?”....
Teeno ka iss prakar se ghurna, Kunal ko behad ashaj mehsus kara raha tha. Ek he waqt me man me kayi khyal ek sath aa gaye. Uske vichlit man ko aur dwidha me dalti, Kasak aapas me he kahne lagi.... “Chhi, isse dekh kar grina hoti hai mujhe, chalo chalte hain class me”.
Kunal.... Kya ho gaya, maine aisa kya ke diya..
Jivisha, Kunal ke ore mudti..... “Kya kar diya aap ne”...
Kunal... Wahi to main puch raha hun, maine aisa kya kar diya jo mujh se ghrina hone lagi.
Jivisha, apne chehre par samanjas ke bhaw lati.... “Aisa kya kiya aap ne jo grina karne layak tha”
Kunal.... Wahi to main aap se jan’ne ki kosis kar raha hun.
Jivisha.... Kamal hai ab aap ne kuch kand kiya hai to wo main kaise bata sakti hun.
Kunal.... Haan par aap ne he to kaha abhi, “isse dekh kar ghrina hoti hai”..
Jisviha.... Tum ho kaun jo main tumhare bare me aise vyang karun. Maine aisa kuch nahi bola...
Kunal.... Aap ne nahi, aap ki saheli ne...
Nandni.... Oyeeee pagal, main kab aisa boli ? (Nandni usse aise ghur rahi thi mano kha jaye)
Kunal.... Arre aap ne nahi, aap ke pass jo khadi hain, unhone kaha...
Kasak.... Par main to iss ki bahan hun, dost nahi....
(Lagta hai teeno mil kar mujhe pagal kar dengi)...... Kunal teeno se mafi magte huye kahne laga.... “Lagta hai thodi si galatfehmi ho gayi hai, aap sab jo aapas me baat kar rahi thi, mujhe laga mere bare me kah rahi hain.”
Kasak, tamtayi bolne lagi..... “You fool, dusron ki baten, chhip kar sunte huye tumhe sharm nahi aati”....
Jivisha..... Kasak, khabardar jo mere dost ko kuch ulta kaha to, Kunal ji aap bataeye, aap ka kaise aana hua idhar....
Nandni..... Ye bhi tera aashiq hai, parpose karne aaya hoga....
Kunal to jaise teeno ke bich pis raha tha, har baat uss ke dimag se upar ja rahi thi. Lakh kosison ke bawjood bhi wo samjh nahi pa raha tha ki yahan chal kya raha hai. Wo Jivisha ke samukkh ho kar apna hath jor liya.... “Mujhe manf kar dijiye deviyon, main to bas ek dost ke nate milne aa gaya tha”
Kasak aur Nandni dono ek sath.... “Ohhh hooo, ohhh hooo, to dost hain aap, lekin ye kaise dost huye”...
Kunal.... Matlab, main samjha nahi....
Nandni.... Mahasay matlab ye hai ki, aap ki dost Jivisha ko ek ladka college me padesan kar raha hai aur aap koi sudhh(hosh) he nahi.
Kunal..... Kaun padesan kar raha hai Jivisha ko, main usse acha sabak sikhaunga, naam bas batao uska.
Kasak.... NIschal... aur tab tak hume apni shakal mat dikhana, jab tak ki tum uss NIschal ko sabak nahi sikha dete.....
Kunal.... Bade sauk se. Ab to usse sabak sikha kar he apna shakal dikhaunga.
Kunal itna kah kar chala gaya. Jivisha usse awaz laga kar rokne ki kosis karne lagi, lekin bich me Nandni aur Kasak ne usse rok liya. Jivisha dono par gissa hoti kahne lagi.... “Had hai, do logon ke bich jhagda laga kar kya mil gaya. Dono aapas me lad gaye to? Nischal ko to chot bhi lagi hai”.
Kasak.... “Ladai na ho jaye kahin”, tu iss baat se padesan hai ya Nischal ko chot lagi hai aur wo kahin pit na jaye, iss baat se padesan hai...
Nandni.... Kal bhi dono ke aakhon he aakhon me ishare ho rahe the. Baat kya hai Jivi, dil pighal to nahi raha.
Jivisha.... Bla.. Bla.. Bla.. Tum dono ka ho gaya ho to chalen movie dekh kar aaya jaye....
Nandni aur Kasak dono ek sath.... “Neki aur puch-puch, chalo chalte hain”
Teeno class kya aatend karenge, wahan se sidha cinema hall he nikal gayi. Matinee show khatam kar ke teeno shopping jane ka plan he kar rahi thi ki tabhi Nandni ke mobile me text hua jise padh kar wo turant nikal gayi....
Jivisha.... Ye ladki itni bechain ho kar kahan nikli....
Kasak.... Dil ki marij gayi hogi apne dr ke pass.....
Jivisha.... Kya???????? Uss langur ke liye hume chhod kar gayi hai, ruko iss ki abhi band bajati hun....
Jivisha apni purn sharart par utarti, Dr. Ansh ko call laga di. Puri ghanti gayi par dr ne koi respond nahi kiya. Jivisha usse dobara contact karne ki kosis karne lagi, lekin dr ne koi respond nahi kiya. Jab call ka koi respond nahi hua tab Jivisha ne msg kiya... “Emergency, please call back. Its about Nandu”
Jivisha massage send kar ke call back ka intzar karne lagi. Abhi kuch second bite honge ki Ansh ka call aa gaya. Jivisha call pick karte he ghabrayi si awaz me kahne lagi....
“Ansh, wo Nandni”.... “Haan boliye Jivisha ji, kya hua Nandni ko”.... “Anash, aap jaldi se yahan aa jao, main iss se jyada nahi bata sakti”..... “Jivisha ji kya hua Nandni ko”..... “Itna ghabraeye nahi, bas usse kisi galat case me police ne pakad liya hai aur gande, gande ilzam laga rahe hain”
Ansh ne turant call disconnect kiya. Sawalker wahin appolo me he Nischal ko le kar pahuncha tha. Ansh ne Sawalker ko puri baat batayi, aur usse le kar police station rawana ho gaya.
Nandni bhi halanki Appolo he gayi thi, lekin uss ke pass NIschal ka sandesh aaya tha jis me likha tha.... “Naya experiment, Ansh hospital”. Nischal kisi tarah se itna type kar ke bhej diya, uss ke baad to usse khud bhi hosh na tha.
Nandni ko samjhne me der na lagi ki jaroor Nischal ne man me jhakne ki kosis ki hai, jiska natija bura hua aur wo Ansh ke hospital pahunch gaya. Hospital yani raaj khulne ka dar, isliye wo hadbadi me Kasak aur Jivisha ko chhod kar bhagi.
Nandni jald he appolo me thi, aur Nischal ke bare me pata karne reception counter par pahunchi. Jab wo reception par pahunchi..... “Yes sir, usse humne private room 3 me rakhe hain, humare najron ke samne he hai”.... Reception par baat chalti rahi aur Nandni call ke khatam hone ka intzar kar rahi thi.
Tabhi uss ki najak cc tv par gayi.... “Hey bhagwan, ye sab to Nischal ke bare me he baat kar rahe hain”. Nandni apne dono kaan khade kar ke aur gaur se baten sun’ne lagi.....
Idhar reception par.... “Haan sir humari puri najar hai, hum ne uss kamre ke bahar 2 guard ko bhi tainat kar diya hai”.
“Lagta hai research center se koi team aa rahi hogi... Ab kya kiya jaye, Nischal inke hath laga to sab gadbad ho jayega. Par Nischal ko yahan se nikalun kaise, kisi ki madad bhi nahi le sakti”