Rakhtranjit Anurakti -35
Update:-35
Khair Nischal ko iss hasi se koi fark nahi pad raha tha kyonki uske aakhon ke samne jo chal raha tha wo uss ke dil me chhed kiye ja raha tha. Samne ke chair par baith kar, wo bhi kafi close ho kar Jivisha aur Kuṇal baten kar rahe the.
Evening time… Apini ke ghar…
Kal raat ke huye hadse ke baad sabhi aaj mil rahe the. Jahaṅ pariṇam ko le kar Ruki aur Suko pahle se sunishchit the, wahiṅ Josefer ko bhi akal aa ġayi thi. Lekin aaj ki iss baiṭhak me ye tay nahi hona tha ki Nischal ki taqat kya hai, balki aaj ye tay hona tha ki, Nischal ko parajit kaise kiya jaye…..
Ruki…. Josefer ab sayad tumhe chiḍh nahi honi chahiye, yadi hum Nischal ke baḍe me kuch kahe to.
Tanisha…. Mujhe to lagta hai ye bhi ab tum dono ki tarah uss ka fan na ban gaya ho. Dushman se haar kar aa gaya…. Aur najren hain iski apne rajya ke kisi ek sima ka senapati ban’ne par.
Josefer, ġusse se uska gala dabochte…. “Shant ho jao”
Apini…. Josefer, Tanisha ko chhodo, chhodo usse. Aur Tanisha ab tum koi bakwas nahi karogi.
Suko…. Apne ġusse par kabu pana sikho Josefer, warna tumhara ġussa kisi ke liye nahi achha hoga. Ab agar tum sab kal ki ussi baat ko discuss karna chahte ho, jiska pariṇam hum pahle se bata chuke the, to tumhari marji hai. Ya fir hum aage ki baton par najar dal le.
Apini…. Tum kaho, hum sab sun rahe hain.
Suko…. Apini tumhara kaam kabil-e-tarif tha. Kuṇal ko kya plot kiya hai tumne. Bilkul tir nishane par baiṭha hai.
Apini…. Apne shikar ko kaise fasana hai, wo main achhi tarah se janta huṅ Suko. Aur Malkia to aisi shikar hai, jis par hum ne research kiya hai.
Suko….. Achhi baaṭ hai. College me tum plot ho gaye. Josefer kya tum wada karte ho ki apne ġusse par kabu kar sako, to tum Jivisha ke ghar wahan ka pet ban kar ja sakte ho.
Josefer….. Haaṅ main wada karta huṅ, main khud par kabu karuṅga. Aur apni haar ke baad main Apini ko apna malik ghoshit karta huṅ. Ab se wo mujhe hukum dega aur main uss ke kahe anusar karta jauṅga.
Apini…. Sukriya Josefer, lekin tum mere dost he achhe ho. Suno Kasak ko chhote pappi se bahut pyar hai, aur kal he tumhe uss ghar me tumhe pappi ban kar ghusna hoga.
Suko….. Ek baar tum uss ghar me ghus jao, fir hum batayenge ki aage kya karna hai. Apini tum Jivisha ke aur karib pahuṅcho. Kaise ye sayad tum behatar tarike se jante ho.
Apini….. Haaṅ ṭhik hai, main janta huṅ Jivisha ke aur karib kaise pahuncha jaye.
Aage ki raṇniti tay karne ke baad, Tanisha aur Apini dono ek bar fir nikal gaye apne kal ke adhure kaam ko pura karne aur pane shikar ko ḍhuṅḍhne ke liye. Idhar Nischal ki sam kuch boaring si chal rahi thi. Nandni, Ansh ke sath ghumne nikal gayi aur Nischal ko man nahi lag raha tha….. “kya karuṅ pahle to kabhi itna boar feel nahi hua, chalo reference ke liye kuch movie he dekh leta huṅ”
Nischal apni boriyat miṭane baith gaya tv ke samne. Aaj to movie bhi boaring lag rahi thi aur rah-rah kar aakhon ke samne Kuṇal aur Jivisha ke close up tasveer samne aa jati. Fir bhi kisi tarah man ko mare bechara wo aage badha-badha kar movie dekh raha tha…..
“Idea” … dimaġ ki batti jali ho jaise, wo jhaṭpaṭ taiyar hua aur sab se najren bachate pahunch gaya apne sasural. Apne sasural me ja kar wo sidha Jivisha ke kamre gaya, jahaṅ Jivisha palang par baithi kuch paḍh rahi thi. Wo padhne me itna vyast thi ki Nischal uss ka dhyan apni ore khinchna chahta tha, lekin wo thi ki dhyan he nahi de rahi thi. Itne me darwaje se Kasak ko aate dekh Nischal chhip gaya…..
Kasak…. Oh my god, Jivi tu aur kitab….
Jivisha…. Haaṅ main aur kitab, kyoṅ mujhe kitab nahi paḍhna chahiye kya ?
Kasak…. Haaṅ paḍhna to chahiye, par tumhe nahi lagta ki exam se pahle kitab ko chhuna kuch ajib hai.
Jivisha…. Aaj to mujhe padhne me maza aa raha hai. Janti hai, Kuṇal na bahut he smart hai, uss ne mujhe sikhaya ki kitab kaise paḍhna chahiye. Aur dekh mujhe aaj maza aa raha hai padhne me.
“Sala yahaṅ bhi Kuṇal, pata na ek he mulakat me kaun sa jadu kar diya hai. Main uss ka khun pi jauṅga”… Nischal ġusse me lal pila hote khud se he kahne laga,
Kasak…. Ye Kuṇal wahi na, jo tere sath canteen me tha.
Jivisha…. Haaṅ wahi…
Kasak…. Kya baat hai, bilkul sahi ja rahi hai. Waise tum dono kafi close dikh rahe the aaj, kahin love at first meet to nahi ho gaya.
Jivisha…. Kasak tu bhi na, tere dimaġ me kachra bhaḍa hai aur kuch nahi. Wo funny hai, first meet me main impress hui uss se, to hans kar baat kar li. Iss ka matlab ye nahi ki tu kuch bhi bole….
“Oh my sweetheart, tumhare dil me to main rahuṅga, to fir wo kamina kaise tum se pyar kar sakta hai. Bilkul sahi jawab, aise he rahna tum”….. Aahhh, Nischal ko jaise rahat mili ho. Wo aakhen band kar ke hasin sapne dekhne laga.
Kasak…. Ohhh !!! Matlab ab bhi tumhe apna first crush he pyara hai, wo Nischal. Aaj kitna cute lag raha tha na, jab wo tere liye gana ga raha tha.
Jivisha…. Kasak, yadi tu uss duffer ka naam lene wali hai to main tum se baat nahi karungi. Gadha kahin ka. Maine socha ki thoda sudhar aaya hai. Lekin hai to kutte ki ṭeḍhi dum rahega jungli ka jungli he.
“Aisa to na kaho Jivisha, bas main bhi tumhe impress karna chahta huṅ, lekin pata nahi kaise impress karuṅ”.
Kasak…. Ek min mammi ka phone hai….
Kasak bahar chali gayi baat karne, aur Jivisha ek baar fir apne kitab me ghus gayi. Wo bilkul kitab me khoyi thi tabhi Nischal ne aa kar uss ke gal ko chum liya aur muskurata hua khada ho gaya. “Gal par kiss” Jivisha ki aakhen badi ho gayi. Usne apne gal ko hath lagaya, aur slow motion me muḍi…. Aakhon ke samne Nischal ka muskurata hua chehra.
Jivisha ki aakhen aur bari ho gayi, wo apni aakhen mij kar wapas apni aakhen kholi. Charo ore najren ghumayi, hairan ho kar wo idhar, udhar pure kamre me najar dauṛane lagi. Tabhi puche se Kasak uss ke kandhe par hath ḍalti…. “Kya hua, kya dhuṅdh rahi hai”
Jivisha…. Yaar wo abhi yahaṅ aaya tha….
Jivisha ki haalat dekh kar Nischal khi-khi kar ke hasne laga…..
Kasak…. Jivi, kaun aaya tha yahaṅ….
Jivisha…. Yaar wahi aaya tha. Mere galoṅ par pappi liya aur ġayab ho gaya…
Kasak joṛ, joṛ se hasti…. “Kaun aaya aur tere galoṅ par pappi le kar bhag gaya. Kahin haunted wala bhut to nahi tha. Waise jawab nahi vikram bhaṭṭ ka, uss ka bhut kitna rasiya hota hai na”.
Jivisha…. Chup kar pagal, tujhe to filmy kiḍe ne kat liya hai. Yaar wo Nischal aaya tha, aur meri pappi le kar yahin khada hans raha tha. Pata nahiṅ achanak kahaṅ ġayab ho gaya.
Jaise he Kasak ne Nischal ka nam suna….. “Ohhh to mamla yahaṅ tak pahunch gaya, ki muh se usko do galiyaṅ, aur jahaṅ me uss ki tasveer. Yahaṅ koi nahi aaya, balki tujhe Nischal ka waham hua hai”.
Jivisha…. Pagal, mujhe koi waham nahi hua. Main sach kah rahi huṅ, wo aaya bhi aur mere galoṅ ko chuma bhi.
Kasak…. Haaṅ sach kah rahi hogi, koi nahi ye to kahani ghar-ghar ki hai….
Jivisha yakin dilati rahi, lekin Kasak uss ki baton ko haṅsi me urrate rahi. Iss bich ek baar fir Kasak kisi kaam se kamre ke bahar gayi aur ek baar fir Nischal ne uss ke galoṅ ko chum liya. Ek baar fir Jivisha aakhen fade samne kaḍhe Nischal ko he dekhti rahi…..
Kasak jab lauṭi aur wapas se Jivisha ko ussi haalat me dekha to sidha puchh he di…. “Kyoṅ fir se Nischal he tha na, gal ko chum kar bhag gaya hoga”.
Jivisha apni aakhen bari kiye huye, “haaṅ” me sir hilati dhime se boli… “haaṅ yaar”. Jivisha ki baat par Kasak muh fad kar hasti hui kahne lagi, “Tu maan ya na maan, tere anterman me Nischal he basa hai, isliye tujhe har jagah wahi dikh raha”.
Jivisha, Kasak ki ore sawaliya najron se dekhti….. “Kya sach me aisa hai”
Dono bahne lag gayi discussion me, Nischal ke dil ko jaise sukoon mil raha ho. Agli baar jab uss ne Jivisha ko kiss kar ke muskurata khada hua, to masoomiyat se Jivisha uss se puch di…. “Kya tum mere man ka waham ho, ya sach me mujhe tum dikh rahe ho Nischal”
“Hayyy… kya masoomiyat thi”, Nischal ghayal ho gaya Jivisha itni pyari baat sun kar. Usse laga ab aur aage karna jyada ho jayega, isliye wo wapas laut aaya. Flat me baith kar baar-baar ussi masoom wakya ko yaad karne laga. Jab Jivisha masoomiyat ke sath pyar se kah rahi thi…. “Kya tum mere man ka waham ho, ya sach me mujhe tum dikh rahe ho Nischal”. Bas ussi wakya ko yaad kiye ja raha tha aur muskuraye ja raha tha.
Puṇe me Apini aur Tanisha ke sahikar…..
Shikar ki khoj me dono narbhakshi shikari sath me nikal chuke the. Yadi har shikar se kaam chal jata to baat kya thi. Lekin dur grah se aaye in logoṅ ke shikar ka tarika alag tha. Ye insan ki manodasha aur uss ke saririk majbooti ke hisab se rating tay karte the. Jin insano ki rating 7 se upar ki hoti thi, wo insan inke shikar ke liye upayukt hote the.
Tanisha….. Apini yahaṅ to koi bhi shikar ke layak nahi. Sab ki rating 4/5 se jyada nahi.
Apini…. Dekhte hain, 8/10 ki rating ka shikar na mila to inhi se kaam chalana paḍega.
Tanisha….. Apini in me fir wo maza nahi aata. Aisa lagta hai jaise bhukhe he rah gaye. Hume chahiye koi tandrust shikar jiski manasik isthiti itni majboot ho ki uss ke shikar ka maza aa jaye. 10 ki rating wala shikar ḍhuṅḍho na Apini.
Apini…. Ek kaam kar, tu alag dhuṅdh main alag ḍhuṅḍhta huṅ. Aaj apne hath koi na koi achha shikar hath lag he jayega.
Dono disco se bahar aa gaye aur alag-alag shikar ḍhuṅḍhne lage. Disco in logoṅ ke shikar ka sab se aasan jagah tha, kyonki yahaṅ lagbhag sabhi yuvak ya yuvatiyaṅ joṛoṅ me aaya karte hain. Ek baar shikar tay hone ke baad uss ke partner ke vesh me aa kar ye log unhe apni jagah par le jate aur indriyaṅ jagrit kar ke shikar karte the. Afsos inhe yahaṅ aaj koi shikar nahi mila.
Dono alag-alag rastoṅ par shikar ke liye nikale the. Tabhi jab Tanisha kisi sadak se gujar rahi thi, usse apne ek shikar ki bu aa gayi. Wo uss bu ko suṅghti dhire-dhire uss ke karib aur karib hote chali gayi. Aur jab wo shikar ke pass pahuṅchi to uss ka man hara-bhara ho gaya.
Tanisha apne shikar ke pichha karti, turant Apini se contact ki….. “Haaṅ Tanisha, mil gaya kya shikar”?
Tanisha…. Ummmmmm… you will love this shikar. 15 rating aa rahi uski. Main ab bardast nahi kar pa rahi iski khusbu. Kahin main iss ka jabardasti shikar na kar lun….
“Mere hote huye tumhe jabardasti shikar karne ki kya jaroorat hai, 15 rating ke shikar roj-roj nahi milte. Iss ka shikar to hum baḍe pyar se karenge”
