Rakhtranjit Anurakti -44

Update :- 44

Pure taish me aakar Jivisha ne dur hataya Kunal ko aur Nischal ke sir par hath ferne lagi. Jivisha ka pura dhyan Nischal par he tha, idhar uske iss badle tever ko dekh kar wahan se sab gayab he ho gaye. Kasak aur Nandni ne bhi dono ko akele chhodne ka faisla kiya aur wo dono bhi wahan se chali aayi.



Jivisha, Nischal ke sir par hath ferti niche baith gayi, aur Nischal ke sir ko apne gode me le kar apna hath ferne lagi.



Nischal….. Achha lag raha hai Jivisha, yun he pyar se hath ferti raho.



Jivisha….. Utho, abhi uth kar baitho….



Nischal….. Kya ho gaya, abhi to kitne pyar se pesh aa rahi thi, achanak aise mood change kyon ho gaya.



Jivisha….. Tum maar kha rahe the to mujhe tumhare dard ka ehsaas hua. Dard ka ehsaas hua to uss dard par pyar bhi aaya jiske wajah se main tumhe sympathy de rahi thi.



Nischal….. Matlab dard khatam to pyar bhi khatam. Aao re Kunal mujhe jarra dard de do. Taki mujhe Jivisha ka pyar mile.


Jivisha…. Nischal stop it. Tum mere bahut pyare dost ho, tumhe mar khate dekh, mujh se bardast na hua. Bas itni si baat hai.


Nischal….. I love you….


Jivisha… What ????? Nischal main tum se kya kah rahi hun, aur tum mujh se kya kah rahe ho. Tumahare iss baat ka humare communication se kya lena dena hai....


Nischal…. Cross connection ho gaya hai, aur tum ne sahi suna…. I love you, aur main apne feeling ko le kar bahut clear hun.


Jisvisha…. Lekin Nischal main tumse pyar nahi karti. Tum samajhte kyon nahi.


Nischal…. Mere dard par tumhe dard ka ehsas hona. Mere liye in sab par chillana, ghayal hone par mujh se aise milna jaise chot mujhe nahi tumhe lagi ho. Ye pyar nahi to aur kya hai?


Jivisha….. Baat itni si hai ki musibat ke waqt tum ne meri madad ki thi. Tumhari baten bhale he tapori wali rahi ho par tumhara behave hamesha mere prati respectful thi. Main to bas tumhare madad ka badla chuka rahi hun.


Nischal….. Main nahi manta Jivisha, tum mujh se aur khud se jhut bol rahi hai. Kya wakai mere liye tumhare dil me koi feeling nahi.


Jivisha…… Nischal ek he baat par jor de kar puchne se wo badal nahi jayegi. Tum mujhe ache lagte ho lekin pyar jaisi koi bhawna nahi.


Nischal…. Hmmm ! To thik hai chalo mujhe kiss karo.


Jivisha bari si aakhen kiye….. "What, kiss. Nischal tum aise mujh se baat karoge to main fir kabhi tum se baat nahi karungi".


Nischal…… Jo kiss tum ne platform par kiya tha, uss se mujhe tumhare pyar ka ehsas hua, ek aur kiss kar ke wo pyar mita do. Bas iss kiss ke baad main apne pyar ka dhindhora nahi pitunga.


Jivisha, thoda sochti….. "Pakka na, jaise tum ne kaha waisa he karoge"


Nischal, Jivisha ke bilkul karib aa kar uske aakhon me aakhen dal kar kahne laga…. "Haan bilkul.... main tab tak apne pyar ka zikr nahi karunga jab tak ki tum khud mujh se nahi kahti, ki tumhe bhi mujh se pyar hai.


Nischal, Jivisha ki aakhon me aakhen dal usse pyar se dekhe ja raha tha. Pahle to Jivisha bas iss baat ko soch rahi thi ki ek kiss jab main apni marji se isse kar sakti hun to ek ye bhi kar ke mera pichha chhod de to bura deal nahi hai.


Lekin Nischal ka iss kadar aakhon me aakhen dal kar dekhna, Jivisha ke soch par parda dal diya aur sahmati me bas usne apni aakhen mund li.


"Jaise kisi kavi ki kalpana ho tum, itni pyari aur masoom…. Uffffffff". Apne man me aaye khyal se Nischal muskura diya.


Jivisha aakhen munde bas Nischal ke kiss ka intzar kar rahi thi, aur tabhi Nischal, Jivisha ke kamar me hath dal kar dhire se apne ore khinchte khud me sama liya.


Jivisha, Nischal ki pakad se aise khili jaise barshat ke baad chhayi hariyali ho. Wo ehsassss, jab saans Jivisha ke chehre se takra rahi thi, halki madhoshi jaise chhayi ho aur uske hont, Nischal ke hoton ki chuan pane ke liye taras uthe….


Jivisha ki chadhti saans mano iss pal tham si gayi ho, aur tabhi jaise usse ehsas hua ki Nischal ke hathon ki pakad uss ke badan se alag ho gayi hai. Chehre par parti sasen ab band ho gayi hai.


Apni ruki sason ko samanya karti hui Jivisha ne apni aakhen kholi, Nischal uss se kuch duri par khada Jivisha ko he dekh raha tha.


Jivisha, khumari si awaz me puchne lagi…. "Kya hua"?


Nischal….. Pahle to socha kiss kar lun par jab tumhe pyar he nahi to main kiss kyon karun.


Jivisha….. Nahi aisi koi baat nahi.


Nischal….. Oh to fir kaisi baat hai ?


Jivisha, apne khumari ke lay me bol gayi, lekin jab wo apne kahe shabdon par gaur ki to apne danton tale jibh daba kar…. "Woo.. Woo.. To mere muh se nikal gaya. Haan mujhe tum se pyar nahi, bas iss ek kiss ke matter par tum hamesha mujhe jo tane dete ho, uss roj roj ke tane se mujhe mukti pani hai".


Nischal…. Its ok, main ab kiss ki baat fir kabhi nahi karunga, tumhe beman ho kar kiss karne ki koi jaroorat nahi.


Itna kah kar Nischal apni najar Jivisha se hata kar idhar udhar dekhne laga aur Jivisha ne bhi apna dhyan Nischal se hata liya.


Jaise he Jivisha ek kadam aage badhi….. Nischal usse piche se tokte huye…. "Kya wakai me tumhe mujh se pyar nahi".


Jivisha….. Kitni baar kahun Nischal, nahi hai… nahi hai.. nahi hai….


Nischal….. Kya wakai me tumhe mujh se pyar nahi….


Jivisha, chidhti hui….. "Ab mujhe irritate karna band karoge, ya kya chahte ho main fir kabhi tum se baat na karun, dur chali jaun".


Nischal…. Itna karne ki koi jaroorat nahi, sirf tum mujhe ek mauka do, yadi main uss ek mauke me tumhare dil me apne liye pyar na jaga saka to fir kabhi tumhe samne apni shakal nahi dikhaunga.


Jivisha….. Kaisa mauka…..


Nischal….. Mere sath bas ek pura din bitao, kewal ek din. Aur uss ek din me main tumhare dil me, apne liye pyar na jaga saka to fir main apni shakal tumhe kabhi nahi dikhaunga.


Jivisha…. Pakka na, tum apni baat se mukad to nahi jaoge….


Nischal….. Nahhh…. Bilkul nahi mukad sakta...


Jivisha…. To thik hai kal main pura din, subah ke 10 baje se raat ke 10 baje tak tumhare sath rahungi. Jao khush ho jao de diya mauka...


Mare khushi ke Nischal "thanks, thanks" kahte Jivisha ke gale lag gaya, aur Jivisha uss ke iss pratikirya par hans rahi thi, "Ye to pura pagal hai"


Lekin agle he pal Nischal ko khud se dur karti….. "Suno iss tarah se koi mujhe touch kare, mujhe pasand nahi. Isliye kal mere karib aane ki kosis bhi mat karna, mujh se 2 fit ki duri banaye rakhna. Aur haan aaj raat ek treat hai, raat 8 baje Nandni ko le kar hume pick karne aa jana, ab jao...


Jivisha aur Nischal ko dur se yadi dekha jaye to sirf aisa he pratit ho raha tha jaise do premi aapas me pyar se mil rahe ho. Inke bich hui baten, na pata chalne ke karan 2 alag-alag samuh galatfehmi ka shikar ho gaya. Jin me se ek samuh Nandni aur Kasak ka tha, aur dusra samuh Josefer aur Apini ka tha.